“Xalqaro shartnomalarni tasdiqlash to'g'risida”gi Prezident qarori (PQ-6-son, 13.01.2025 y.) qabul qilindi

Qarorga ko'ra, O'zbekiston va Mo'g'uliston Hukumatlari o'rtasida xalqaro avtomobil qatnovi to'g'risidagi hamda havo qatnovi to'g'risidagi Bitimlar tasdiqlandi. 

Bitimlar 2024-yil 24-iyun kuni Toshkent shahrida imzolangan.

Transport vazirligi ushbu xalqaro shartnomalarni amalga oshirish uchun mas'ul bo'lgan vakolatli organ etib belgilandi.

Vazirlar Mahkamasi hamda tegishli vazirlik va idoralarning rahbarlari ushbu xalqaro shartnomalar kuchga kirganidan keyin belgilangan tartibda ularning qoidalari amalga oshirilishi ustidan nazoratni ta'minlaydi.

Tuproqqal’a tumani adliya bo’limi yuridik xizmat ko’rsatish markazi boshlig’i S.S. Matnazarova