Oʻzbekiston Respublikasining 20.10.2025 yildagi O‘RQ-1089-son Qonuni

                                                    Oʻzbekiston Respublikasining 20.10.2025 yildagi
                                                                 O‘RQ-1089-son Qonuni
Oʻzbekiston Respublikasining 20.10.2025 yildagi O‘RQ-1089-son Qonuni bilan Oʻzbekiston Respublikasining  ayrim qonunlariga  va kodekslariga oʻzgartirishlar kiritildi.
Mazkur Qonunda mediatsiya tartib-taomillarini qoʻllash uchun ragʻbatlantiruvchi normalar, mediatorlarga oid talablarni va mediativ kelishuvlarni bajarish qoidalari nizolarni muqobil hal etish mexanizmlaridan biri sifatida belgilanmoqda. 
Oʻzbekiston Respublikasining 20.10.2025 yildagi O‘RQ-1089-son Qonuni bilan  “Notarius “Mediatsiya toʻgʻrisida”gi Oʻzbekiston Respublikasi Qonunida belgilangan tartibda mediator vazifasini bajarishga haqli”,  Mediativ kelishuv taraflar tomonidan ixtiyoriy ravishda bajarilmagan taqdirda, uni majburiy ijro etish uchun ijro varaqasi berish toʻgʻrisidagi ish mediativ kelishuv tuzgan tarafning arizasiga binoan koʻrib chiqiladi, Mediativ kelishuvni majburiy ijro etish uchun ijro varaqasi berish toʻgʻrisidagi ariza mediativ kelishuvni ixtiyoriy ravishda bajarmagan taraf yashaydigan joydagi yoki turgan joydagi yoxud, agar mediativ kelishuvni ixtiyoriy ravishda bajarmagan taraf yashaydigan joy yoki turgan joy nomaʼlum boʻlsa, uning mol-mulki turgan joydagi sudga beriladi, deb belgilab qoʻyildi.
Oʻzbekiston Respublikasining 20.10.2025 yildagi ORQ-1089-son qonuni bilan   Oʻzbekiston Respublikasining Oila kodeksining 76-moddasiga quiydagicha oʻzgartirishlar kiritildi:
“Ota-ona boladan alohida yashaydigan otaning (onaning) ota-onalik huquqlarini amalga oshirish tartibi toʻgʻrisida yozma ravishda kelishuv tuzishga haqlidir. Bu boradagi nizo ota-onaning (yoki ulardan birining) talabiga binoan sudga murojaat qilinguniga qadar mediatsiya tartib-taomilini amalga oshirish orqali hal qilinishi mumkin.
Agar ota-ona kelisha olmasa, nizo ota-onaning (yoki ulardan birining) talabiga binoan sud tomonidan vasiylik va homiylik organi ishtirokida hal qilinadi. Sudning hal qiluv qarori bajarilmagan taqdirda aybdor ota-onaga nisbatan qonunchilikda nazarda tutilgan choralar qoʻllaniladi. Sudning hal qiluv qarori qasddan bajarilmagan taqdirda sud boladan alohida yashayotgan otaning (onaning) talabiga binoan bolaning manfaatlarini va fikrini hisobga olgan holda olani unga berish toʻgʻrisida hal qiluv qarori chiqarishi mumkin”. 

                                                                                                                                 Tuproqqal’a tumani adliya bo’limi
                                                                                                                                 Yuridik xizmat ko’rsatish markazi
                                                                                                                                  Boshyuriskonsulti M. Sadikova