Mehnat shartnomasida belgilangan muddatlar
O‘zbekiston Respublikasining Mehnat kodeksining 9-moddasiga asosan, jamoa kelishuvlarida, jamoa shartnomasida yoki mehnat shartnomasida belgilangan muddatlar kalendar sana bilan, yillar, oylar, haftalar, kunlar yoki soatlar bilan hisoblanadigan vaqt davrining tugashi bilan yoxud yuz berishi kerak bo‘lgan voqeani ko‘rsatgan holda aniqlanadi deb belgilangan.
Bunda xodim bilan ish beruvchi o‘rtasida tuzilgan mehnat shartnomasida ishning boshlanish va tugash sanasi aniq ko‘rsatiladi. Ish boshlanadigan kun-qonun hujjatlariga muvofiq tuzilgan mehnat shartnomasi imzolangan paytdan boshlab kuchga kiradi va bu O‘zbekiston Respublikasining Mehnat kodeksining 9-moddasida yillar, oylar, haftalar bilan hisoblanadigan muddatlar muddatning so‘nggi yili, oyi, haftasining tegishli sanasida tugaydi. Agar oylar bilan hisoblanadigan muddatning oxiri muddatning o‘tishi boshlangan oyga nisbatan kunlari ko‘proq yoki kamroq bo‘lgan oyga to‘g‘ri kelsa, muddat tugaydigan oyning oxirgi kuni muddat tugaydigan kun deb hisoblanadi. Kalendar yillar, oylar, haftalar yoki kunlar bilan hisoblanadigan muddatga ishlanmaydigan kunlar ham qo‘shiladi.Agar muddatning so‘nggi kuni ishlanmaydigan kunga to‘g‘ri kelsa, undan keyin keladigan birinchi ish kuni muddat tugaydigan kun deb hisoblanishi belgilangan.
Tuproqqal’a tumani adliya bo‘limi
yuridik xizmat ko‘rsatish markazi
boshyuriskonsult T.O‘razboyev.
Obuna bo'lish
Ommabop xabarlar
Mehnat shartnomasini bekor qilishni
Sugʻurta tizimini yanada
“Yoshlar daftari”ni shakllantirish
Murojaatlarni berish muddatlari
